Profesori i filozofisë Blerim Latifi ka thënë se nuk është për t’u çuditur lajmi se edhe një shqiptar qenka pjesëmarrës në suImin e djeshëm në Vjenë, pasi sipas tij disa hoxhallarë që 20 vjet nxisin dhe frymëzojnë të rinj për t’u bashkuar në organizata të ndryshme.
Latifi thotë se hoxhallarë e ideologë vahabistë propagandojnë doktrina islamiste që prodhojnë jotolerancë, kundër të gjithë atyre që mendojnë e besojnë ndryshe.
“Janë po këta që i frymëzuan afër 1000 shqiptarë për t’iu bashkuar I.S.I.S-it dhe rrjedhimisht për ta njollosur kombin shqiptar në sytë e botës demokratike”, ka shkruar Latifi ndër të tjerash në Facebook.
Ky është shkrimi i plotë:
Njëri nga ter roristët e sulmit në Vjenë paska origjinë shqiptare.
Mos u çuditni!
Sepse, siç thuhet, atë që ke mbjellur, atë do të korrësh.
Ka 20 vite që, gjithandej trojeve shqiptare, hoxhallarë e ideologë vah abistë propagandojnë doktrina islamiste që prodhojnë jotolerancë, kundër të gjithë atyre që mendojnë e besojnë ndryshe.
Janë po këta që i frymëzuan afër 1000 shqiptarë për t’iu bashkuar I.S.I.S-it dhe rrjedhimisht për ta njollosur kombin shqiptar në sytë e botës demokratike.
Janë po këta, që sot, në vend të denoncimit e ballafaqimit me drejtësinë e vërtetë, shpërblehen me vëmendje mediale dhe me servilosje nga politikanët.
Intelektualët heshtin, se kanë frikë nga gjuha e tyre kërcënuese.
Politikanët heshtin, se kanë pazare të ndyra elektorale me ta.
Serbia fërkon duart dhe u thotë atyre që dje na shpëtuan nga gje nocidi: shikoni për kë na keni bombarduar!
Edhe njëherë: mos u çuditni me këtë suImuesin e Vjenës me origjinë shqiptare!
S’keni parë gjë akoma!