Burrështetasit e botës merren me pandeminë dhe janë të brengosur për shëndetin e qytetarëve të vet, vetëm Presidenti i Kosovës dhe ‘profesorët’ e LDK-së kanë hallë tjetër – si një ditë e më parë ta shporrin Qeverinë e sotme të vendit të tyre?!
Dhe ke përshtypjen se atyre u pengon angazhimi kolosal i ministrave të kësaj qeverie në mbrojtjen e jetëve njerëzore.
Burrështetasit e botës bëhen gati për tragjedinë ekonomike që e pret planetin pas kalimit të kësaj pandemie, vetëm Presidenti i Kosovës dhe pleqtë e pafytyrë të LDK-së mburren me atë si e kanë shpëtuar shqiptarinë nga ‘antiamerikanizmi’ i Kryetarit të VV-së?! Dhe ke përshtypjen se ata nuk e kanë hallin e popullit që do përballet me varfëri të skajshme, e as të ekonomisë kosovare që rrënohet, por me intrigat si ta marrin sa më shpejtë çelësin e arkës së shtetit!
Gjithë popujt e botës janë në duart e burrështetasve të brengosur për fatin kolektiv, vetëm kosovarët përballen me Presidentin e tyre të lumtur që ka rrëzuar Qeverinë e vendit si dhe, me gëzimin e ‘profesorëve’ të LDK-së të dalë nga ‘Strofulli i Gjarprit’, të padurueshëm që sa më shpjete të vijnë në pushtet!
Çfarë monstruoziteti dhe me çfarë perversiteti politik përballen vëllezërit tanë kosovarë! E që e bënë të turpërohet mbarë shqiptarinë!”