Fidan Hasani nga Plemetini i Obiliqit tash e një dekadë nuk po mund t’i regjistrojë në gjendjen civile gruan dhe gjashtë fëmijët e tyre.
Kjo për faktin se gruaja e tij nuk i pati asnjëherë ato.
Leonora, sipas burrit të saj, s’e diti asnjëherë se kë e kishte baba, ndërsa nëna e la kur ishte e re.
Mungesa e dëshmive që do t’i ofronte nëna i pamundësoi Leonorës pajisjen me dokumente.
Fidani shkoi shumë herë në komunë për të rregulluar diçka, por gjithherë mori përgjigjen e njëjtë.
Nëna nuk u lajmërua kurrë por problemi i madh një dekadësh i familjes Hasani u zgjodh, megjithatë, të premten, falë bashkëpunimit me Programin për të Drejta Civile të Kosovës, në kuadër të Zyrës në Kosovë të Komisariatit të Lartë të OKB-së për Refugjatë.
Këta i ofruan ndihmë juridike familjes Hasani, falë së cilës ajo regjistrohet javën tjetër.
Komunarët thanë se mosregjistrimi civil i banores së Plemetinit u bë për arsye se është dashur të nënshkruajë njëri nga prindërit ose një person tjetër autorizues, që sipas tyre munguan.
Zyrtarët e Obiliqit thanë se çdo prill dalin në terren për të regjistruar, falas, pjesëtarët e komunitetit RAE.