Aktori dhe shkrimtari Çun Lajçi, ka kërkuar nga presidenti i vendit Hashim Thaçi të dorëhiqet nga ky post, pas ngritjes së aktakuzës për krime lufte nga Gjykata Speciale.
Lajçi ka thënë se Thaçi do të duhej të vepronte sikurse ish-kryeministri Ramush Haradinaj, që kishte dhënë dorëheqje pas ftesës për intervistë nga Specialja.
Sipas tij, “presidenca nuk duhet të çohet nëpër Gjykata”. “Unë s’po e shaj as njënin as tjetrin, por u thashë mes rreshtave, shkoni e dëshmojeni pafajësinë, si gjithë të tjerët!”, ka shkrua aktori në një postim në Facebook.
Postimi i plotë pa ndërhyrje:
Atdheun e dua ma shumë se individin!
Të gjitha fajet e tyne i mësuem prej shokëve të tyne.
Prej foltores se Parlamentit!
– Jo sivjet, jo vjet, por që 20 vjet.
Njerëzit e tyne, që moren rrogë për t’qenë të tyne, ata deputetët me imunitet, e rriten dyshimin me broçkulla n’foltore, rreth hajnisë, korrupcionit, linçimeve politike, luftes se tyne, dhe e rritën urrejtjen tek populli, pa ua pasë borxh! Tek ne që i shohim n’ekrane, e rritën dyshimin, për bijtë tanë luftetarë, t’luftës se shejt të UÇK-së !
– A ka ma trishtim, se me dyshua n’djalin tand? E ket e arrijten bashkpuntrorët e tyne, parlamentarë tue folë n’televizione njimijë e nji t’zezë!
– Por, kur u themi ne, se atdheu kështu nuk ndertohet, dhe bani mirë t’ikni, dhe i ripërserisim fjalët e tyne, ato që janë ne internete, atëherë te lëshohen si grejzat tue t’sha me lloje fjalesh banale, e tue t’kërcnua, këta qe pak kanë hangër nga sahanat e tyne!
-Këta e kanë mësua vetëm nji fjalë: Ti bir serbi, ti qenke kundër UÇK-së! Ti qenke gëzua për akuzat. Pirdhu!
E unë e thashë ate që e pashë dy herë, ne rastin e njejt:
-Ramushi dha dorëheqje, se nuk deshti ta njollos Kryeministrinë!
Pra prita të njejtën nga Hashimi, e kur se dorëzoi postin, thashë, s’qenke burrë, sepse s’çohet Presidenca gjykatave!
Tani, ju që e fëlliqni gojën me fjalë banale, pse m’thoni ti po e shanë UÇK-në?
Unë s’po e shaj as njenin as tjetrin, por u thashë mes rreshtave, shkoni e dëshmojeni pafajsinë, si gjithë të tjerët!
Çka ka t’keqe këtu? Dhe pse u dashka me folë unë, siç doni ju?
Sot e shiqova nji video t’Jakup Krasniqit, shokut të tyne të luftës, dhe e mësova edhe nji gja, që s’e kisha ditë ditë deri me sot. Por s’po e them, se prap do t’me shani e kërcnoni.
O kurrë ma shumë se unë deshtë s’e keni çlirimtarin!
Por atdheun e dua ma shumë se individin dhe pikë!