Sonte është shëruar edhe një fëmijë nëntëmuajsh nga Malisheva, që ishte prekur me COVID-19 javë më parë.
Në një komunikatë të Komunës së Malishevës thuhet se kjo është konfirmuar në komunikimin zyrtar me Institutin Kombëtar të Shëndetësisë Publike, pasi e njëjta ka dalë negativ në dy testimet e fundit dhe konsiderohet plotësisht e shëruar.
Numri i të shëruarve në Komunën e Malishevës arrin në gjithsej 73, ndërsa raste aktive mbesin dy.
Komuna e Malishevës ka 76 raste me koronavirus, prej tyre një me përfundim fatal.
Njoftimi i plotë:
Shërohet edhe një fëmijë 9 muajsh nga Malisheva dhe e rritë numrin në 73 të shëruar
Malishevë, 18 maj
Sonte përfundimisht është shëruar edhe një fëmijë nëntë muajsh, që ishte prekur me virusin korona, javë më parë. Kjo është konfirmuar në komunikimin zyrtar me Institutin Kombëtar të Shëndetësisë Publike, pasi e njëjta ka dalë negativ në dy testimet e fundit dhe konsiderohet plotësisht e shëruar.
Me këtë, numri i të shëruarve në Komunën e Malishevës, shkon në 73 të shëruar, ndërsa raste aktive mbesin e dy.
Po ashtu gjatë ditëve në vijim, pritet të shërohen edhe dy pacientët tjerë.
Me këtë rast, nënkryetari i Komunës së Malishevës, Hajdin Berisha, në emër të Shtabit Emergjent Komunal, e ka uruar fëmijën e shëruar dhe dy rasteve aktive, ju ka dëshiruar shërim të shpejtë.
“Ky rast i shëruar, ishte në mesin e disa rasteve të tjera, të cilët ende nuk i kishin mbushur një vit, dhe ishte në mesin e 76 të prekurve, dhe natyrisht se ky lajm na gëzon të gjithë neve”, tha nënkryetari Berisha.
Gjendja aktuale me COVID-19 në Komunën e Malishevës, është kjo: 76 të prekur me COVID-19, prej tyre 73 janë shëruar, 2 raste janë ende aktive, ndërsa një rast ka pësuar me fatalitet.