Kryetari i Lëvizjes Vetëvendosje, Albin Kurti, ditën e djeshme ka folur mbi arrestimin e Hashim Thaçit, Kadri Veselit, Jakup Krasniqit e Rexhep Selimit nga Gjykata Speciale e Hagës.
Sipas Kurtit, arsyetimi i Speciales se kjo ndërmarrje ka ushtruar veprime nga viti 1998 është i pabesueshëm, derisa ka thënë se po të bëhej fjalë për vitet e mëvonshme edhe do të ishte e besueshme.
Mes të tjerave, ai ka kërkuar që qeveria të angazhohet për mbrojtjen e të akuzuarve nga Specialja.
E, lidhur me këtë kërkesë të Kurtit ka reaguar edhe Geci.
Sipas Gecit, gjithë këtë, lideri i Vetëvendosjes po e bën vetëm për vota.
Ai madje shkon aq larg sa që Kurtin e quan pasardhës ideologjik dhe politik të Thaçit.
Ja shkrimi i tij:
Njerëzit që akuzojnë për të fituar vota dhe kthehen i hanë fjalët e veta e të mbrojnë prapë për të fituar vota nuk janë asgjë tjetër vetëm pasardhës ideologjik dhe politik të Hashim Thaçit.