Kryeministri në dorëheqje, Ramush Haradinaj, përmes një postimi në Facebook ka njoftuar se në Gjakovë kanë shpërthyer zjarre të shumta dhe kjo është shqetësuese.
- Advertisement -
Ai ka bërë të ditur se janë mobilizuar policia, ushtria dhe zjarrfikësit.
“Shpërthimi i zjarreve në komunën e Gjakovës është shqetësues për shkak të shtrirjes në hapësirë shumë të madhe. Jam në kontakt me Kryetarin e Gjakovës dhe nga afër po e përcjellim gjendjen e krijuar. Janë mobilizuar zjarrfikësit e pesë komunave në rajon, si dhe Policia e Kosovës. Poashtu, është mobilizuar me urgjencë një repart i ushtrisë në zonën e rrezikuar”, shkruan Haradinaj.