Kryeministri në detyrë i Kosovës, Ramush Haradinaj, ka thënë se pretendimet territoriale, e jo taksa, e kanë bllokuar dialogun.
- Advertisement -
Me anë të një postimi në rrjetin social në Facebook, ai ka cituar një deklaratë të kryeministres së Serbisë, Ana Bërnabiq, ku ka thënë se njohja e Kosovës në kufijtë ekzistues është vijë e kuqe mbi të cilën Serbia nuk do të kalojë.
“A po e shihni se Taksa nuk e ka bllokuar dialogun, por aspiratat territoriale të Serbisë ndaj Kosovës! E po Kosova është shtet sovran me këta kufinj, ndërkombëtarisht të njohur dhe të pandryshueshëm dhe sa më parë ta kuptojë ketë fakt lidershipi në Serbi, është më mirë për ta!”, ka thënë Haradinaj.