Kryeministri në detyrë, Ramush Haradinaj ka deklaruar se Serbia po vazhdon që të armatoset me pajisje ushtarake nga Rusia e Kina dhe se kjo direkt është kërcënim për Kosovën, transmeton Gazeta Metro.
Haradinaj po thotë se kjo armatosje e Serbisë është kërcënim për Kosovën, paqen e brishtë në rajon si dhe perspektivën Euro-Atlantike.
Sipas tij Serbia duhet ta ndalë këtë çmenduri para se të bëhet vonë.
“Armatosja e vazhdueshme e Serbisë me pajisje ushtarake nga Rusia dhe Kina (Pancirë, Sisteme të Mbrojtjes Ajrore, Dronë etj) është kërcënim i drejtpërdrejtë për Kosovën, paqen e brishtë në rajon, si dhe perspektivën Euro-Atlantike. Serbia duhet ta ndalë këtë çmenduri para se të bëhet vonë!”, ka shkruar Haradinaj në Facebook, transmeton Gazeta Metro.
Kujtojmë se Haradinaj dështoi në këto zgjedhje duke mos arritur të bëhet kryeministër, pasi siç e thoshte ai nëpër tubime dhe debate bindshëm janë duke udhëhequr si partia e parë nëpër sondazhet që u bëheshin.
Ai madje pas zgjedhjeve u kritikua nga partneri i koalicionit PSD se mashtruan kandidatët për deputetë nëpër qytetet e Kosovës duke mos i votuar dhe injoruar vetëm pse janë subjekt tjetër.