Partitë politike janë duke zhvilluar fushatën e tyre elektorale.
Gjithë këto ditë subjektet politike po i shfrytëzojnë që të bashkëbisedojnë me qytetarët dhe të paraqesin premtimet e tyre elektorale.
Ngjashëm ka vepruar edhe lideri i Aleancës për Ardhmërinë e Kosovës (AAK), Ramush Haradinaj.
Haradinaj së fundi zhvilloi një tubim me qytetarët në një prej fshatrave të Drenicës.
Në një video-incizim, Haradinaj shihet në mesin e shumë banorëve të kësaj ane, por jo duke folur për politikë sepse i njëjti zgjodhi t’ia thotë këngës, në vend të fjalëve.
Haradinaj si shumë herë më parë edhe kësaj radhë vendosi të këndojë, ani pse u kritikua disa herë radhazi për këtë gjë.
Në një deklaratë të dhënë më herët, Haradinaj pati thënë se këndimin e ka që nga koha e luftës, kur në orët e para të mëngjesit vendoste që përmes këngës t’i zgjonte udhëtarët e tij dhe të pozicionoheshin përballë armikut.