Ministri i jashtëm i Kosovës, Glauk Konjufca, ka paralajmëruar shkarkime të reja në Ministrinë që ai drejton.
Në një tryezë diskutimi për pozitën e Kosovës në politikën e jashtme, Konjufca tha se puna e parë që do të bëjë në MPJ është ndërhyrja e drejtpërdrejtë e shkeljes së ligjit në mënyrë flagrante.
Ai madje paralajmëroi se sot në orën 13:00 do të marrë një vendim të rëndësishëm.
“Praktika më e zakonshme në MPJ nuk ka funksionuar në bazë të ligjit.
Pas marrjes së detyrës pas dy jave është deshtë të marr vendime që për dikë janë cilësuar si radikale por nuk kom pas çare pa i kthyer në Kosovë se janë emëruar jashtëligjshëm. Faza e parë që do të fillojë është ndërhyrjet e drejtpërdrejta në shkeljet flagrante të ligjit”, tha Konjufca.
Ai ka paralajmëruar se sot në orën 13:00 do të marrë një vendim.
“Sot në orën 1 do të keni një vendim të kësaj natyre”, tha ministri Konjufca.
