Sot vendi ynë mbetet nën ndikimin e fushave të presionit të lartë, që do të vazhdojnë të kushtëzojnë mot stabil, të ngrohtë dhe me intervale më të gjata me diell.
Sipas “PrishtinaWeather”, ngrohtë do të jetë edhe të mërkurën por me vranësira të shtresave të larta dhe intervale më të gjata me diell, e nga mesdita edhe me erë.
Do të fryjë erë mesatare dhe e fuqishme nga krahu jugor 5-17m/s, e vende-vende në Dukagjin me hove deri në 20m/s. Indeksi UV: 3.
“Dita e enjte do të jetë e ngrohtë, paradite kryesisht me diell. Ditën me erë, derisa vranësirat do të shtohen.
Në mbrëmje nga perëndimi i vendit priten mundësi për reshje lokale shiu.
Do të fryjë erë e fuqishme nga jugperëndimi 10-20m/s, vende-vende edhe me hove deri në 25m/s (90km/h). Indeksi UV: 3”, njofton PW.