Njeriu i afërt me ish-presidentin historik Ibrahim Rugova, ka shpalosur një pjesë të librit të tij, ku flet për arsyen e refuzimit të pasaportës shqiptare nga kryetari i LDK-së.
Në këtë pjesë të librit, flitet se si Sali Berisha, i kishte thënë Rugovës që ta marr pasaportën shqiptare, mirëpo Rugova i ishte përgjigjur vetëm me: OK, mirë, mirë.
Nga kjo, ashtu siç sqarohet në librin “Në hap me Rugovën”, Mervoci kishte kuptuar që diçka nuk shkonte, e kështu më vonë kur ishin vetëm këta të dy bashkë, ishte hap sërish tema e pasaportës.
Rugova i kishte thënë Merovcit, që ai ta marrë pasaportën por ai vetë nuk do ta bënte një gjë të tillë.
“Adnan ti merre nënshtetësinë dhe pasaportën, por unë nuk do të marr nënshtetësi e as pasaportë tjetër. Krejt bota e di që unë kam pasaportë të lëshuar nga serbët, sepse Kosova është e okupuar. Nëse serbët dëshirojnë të më pengojnë për të ushtuar, mund ta bëjnë këtë. Unë po luftoj që shqiptarët e Kosovës të kenë nënshtetësi kosovare dhe që një ditë të pajisen me pasaporta të Republikës së Kosovës”, kishte thënë Ibrahim Rugova.
Kujtojmë se kryeministri i Kosovës Albin Kurti, sot ka marr pjesë në zgjedhjet e Shqipërisë, ku edhe ka votuar pasi që, ai ka pasaportë Shqiptare./ Insajderi.org
