“Koalicioni”, vjen lajmi i keq për Vetëvendosjen dhe LDK-në

0
170
Albin Kurti, Isa Mustafa

“E them me bindje të plotë dhe pa hamendje, se thellimi i kësaj krize, po shkon në llogari të ish-subjekteve politike të PANIT, që po kujdestarojnë në pritje për thellimin e krizës dhe shkuarjen në zgjedhje të reja, që sigurisht do të ishte, një ndëshkim vetëvrasës, për të ardhmen e VV-së dhe të LDK-së, në politikë që mashtruan qytetarët, për qeverisje dhe ç’kapje të shtetit, nga pronto-mafia”, thotë Aliu për “Kosova Sot Online”.

Duke parë thyerjet e fundit që ndodhën në mes të Vetëvendosjes dhe LDK-së, dhe pamundësinë e gjetjes së formulës së kompromisit për zyrtarizimin e marrëveshjes për koalicionin qeverisës, analistët politikë akuzojnë këto dy parti politike për sjellje të pa përgjegjshme, duke e futur vendin në krizë institucionale akoma më të thellë, për shkak te pazareve te tyre për pozita, dhe kështu me vetëdije të plotë po i humbin edhe shpresat e qytetarëve për ndryshime.

Lidhur me këto zhvillime, për “Kosova Sot Online” ka folur analisti politik, Bislim Aliu. Sipas tij, këto veprime të cilat tregojnë se LVV dhe LDK po luftojnë kapjen e pushtetit, dhe jo për interes të qytetarit dhe të shtetit.

Bislim Aliu

“Pa dyshim që partitë e papërgjegjshme politike, në këtë rast, edhe LVV dhe LDK, po e qojnë shtetin, me vetëdije të plotë, drejt krizës dhe humbjes së shpresës së qytetarëve, për shkak të pazareve të tyre politike, duke u përplasur për pozita në qeverisjen e vendit.

E them me bindje të plotë dhe pa hamendje, se thellimi i kësaj krize, po shkon në llogari të ish-subjekteve politike të PANIT, që po kujdestarojnë në pritje për thellimin e krizës dhe shkuarjen në zgjedhje të reja, që sigurisht do të ishte, një ndëshkim vetëvrasës, për të ardhmen e VV-së dhe të LDK-së, në politikë që mashtruan qytetarët, për qeverisje dhe ç’kapje të shtetit, nga pronto-mafia”, thotë analisti Aliu për “Kosova Sot Online”.

Sipas tij, sa më shumë që zgjasin këto përplasje dhe mos arritja e shpejtë e marrëveshjes për ndërtimin e qeverisë së re, pasojat do të thellohen edhe më shumë, dhe qytetarët do të largohen hap pas hapi nga besimi dhe shpresa që kanë pasur për ndryshime në qeverisjen e VV-së dhe LDK-së.

“Kjo sigurisht që do të prodhon pasoja të mëdha të humbjes së besimit te qytetarët. Pasoja do të prodhon edhe për sistemin e drejtësisë.

Dështimi i krijimit të qeverisë së re dhe ngecja e bërjes më të shpejtë të Qeverisë së re do të ndikon tek vonesat në reformat e premtuara, në programin qeverisës, të harmonizuar mes LVV-së dhe LDK-së për ta fuqizuar sundimin e ligjit.

Me këtë lojë që po luhet për interesa të ngushta politike, në ndarjen e pozitave në pushtet, do t’i zgjatet, jeta krimit të organizuar dhe zhvatjes së shtetit, edhe për 6 muaj të radhës, deri në krijimin e institucioneve të reja, nëse vendi shkon në përsëritje të zgjedhjeve, për shkak të krizës, në të cilën, po futet nga mungesa e vullnetit politik për kompromis”, theksoi Aliu për “Kosova Sot Online”.

“Kjo situatë e krijuar po tregon sheshazi, sjellje jo serioze të LVV-së dhe të LDK-së, duke zbuluar mashtrimin e madh elektoral që e kanë bërë karshi qytetarit, sepse të gjitha zotimet e tyre elektoral, për shtet të së drejtës, dhe reforma në drejtësi, nuk ishin gjë tjetër, veç një mashtrim i traditës së vjetër të mashtrimit elektoral”, përfundon Aliu për “Kosova Sot Online”.