Kryeministri i Kosovës, Albin Kurti, sot ka zhvilluar një takim me shefen e zyrës së BE-së, në Kosovë, ambasadoren Nataliya Apostolova.
Ai pas takimit, në konferencë ka thënë se taksa 100 % e vendosur ndaj Serbisë, do të zëvendësohet me reciprocitet të plotë.
“Ne nuk i vendosim Serbinë dhe Bosnjë e Hercegvinën në një fjali asnjëherë, për shkaqe historie, jemi këtu ku jemi si Qeveri e re, për shkak të Serbisë do të kemi reciprocitet të plotë si zevendësim të tarifës 100 %.
LDK-ja dhe LVV-ja edhe zonja Osmani dhe une mbi 60 % të votave në Kosovë në mesin e shqipëtarëve kanë qenë praktikisht në parimin e reciprocitetit.
Për reciprocitetin janë dakord edhe ata që nuk më votuan”, ka thënë ai.
Kryeministri Kurti ka folur edhe për anëtarësimin e Kosovës në Bashkimin Evropian.
Ai me këtë rast ka falënderuar shefen e Zyrës së BE-së, në Kosovë, ambasadoren Nataliya Apostolova, për ndihmën që i ka ofruar shtetit të Kosovës.
“Shpreha zotimin tonë që të ndjekim me vëmëendje dhe përkushtim të gjitha projektet, proceset e integrimit të Kosovës në BE, pesë vendet që na e kanë vështrirësuar rrrugën tonë evropiane. E falënderova për ndihmën e fundit prej 75 milionë eurove për termocentralin “Kosova B”.
Mbetemi të përshkurar në rrugëtimin evropian drejt familjes evropiane.
Ne duhet ta ndërtojmë BE-në si vlerë si standard brenda vendit tonë, këtë nuk mund ta bëjë BE-ja për ne, por duhet të na ndihmojë”, ka thënë ai.
Apostolova ka përshëndetur formimin e qeverisë “Kurti”.