I dërguari special për dialogun Kosovë-Serbi, Richard Grenell ka zgjedhur të mos flas rreth zhvillimeve aktuale në vend, për rrëzimin e Qeverisë Kurti, pas një mocion mosbesimi të paralajmëruar nga LDK.
”Çështjet politike nuk janë fokusi i tij”, ka thënë zëdhënësi i Richard Grenell, Dick Custin.
- Advertisement -
Custin, në përgjigjien e tij tutje ka shtuar se emisari Richard Grenell është i fokusuar në krijimin e vendeve të reja të punës.
”Fokusi i Ambasadorit Grenell është në zhvillimin ekonomik dhe krijimin e mundësive për punë”.
Kosova aktualisht gjendet në një krizë politike ndërsa dhe vazhdon të përballet edhe me pandeminë e koronavirusit.
- Advertisement -
Qeveria Kurti rrezikon të bie, pasi kreu i LDK-së Isa Mustafa inicioi mocion mosbesimi që do të rezultonte me prishje koalicioni pasi Kryeministri Albin Kurti pa paralajmërim e shkarkoi Agim Veliun e LDK-së nga detyra e Ministrit të Brendshëm.