Administratori i NASA-s, Jim Bridenstine, kohët e fundit paralajmëroi audiencën në Konferencën e Mbrojtjes Planetike të Akademisë Ndërkombëtare të Astronautikës, për mundësinë shumë reale të një përplasjeje të madhe meteori në Tokë.
“Ne duhet të sigurohemi që njerëzit të kuptojnë se kjo nuk ka të bëjë me Hollivudin. Nuk ka të bëjë me filmat. Kjo ka të bëjë me mbrojtjen e planetit të vetëm që njohim tani për të jetuar jetën, dhe ky është planeti Tokë”, tha Bridenstine, transmeton lajmi.net.
Bridenstine i referohet një meteor të madh që hyri në atmosferën e tokës dhe shpërtheu mbi Chelyabinsk, në Rusinë qendrore, në shkurt të 2013. Meteori mati rreth 20 metra në diametër dhe po udhëtonte me 65 mijë km/h.
Bridenstine thotë se meteorët hyjnë në atmosferën e tokës në mënyrë të rregullt, por ato aq të mëdha sa Chelyabinsk vijnë vetëm një herë në 60 ose më shumë vjet.Studiuesit në të gjithë botën potencojnë shenja shqetësimi në raport me meteorin.