Nga Komisioni Qendror i Zgjedhjeve në Rusi kanë reaguar për vendimin e Qeverisë së Kosovës për mos-lejimin e mbajtjes së referendumit të Serbisë në territorin e Kosovës.
Siç raporton agjencia ruse e lajmeve, Tass, Pavel Andreyev nga Komisioni Qendror i Zgjedhjeve në Rusi thotë se është shqetësuese për komisionerët rus.
- Advertisement -
“Gjëja kryesore që ngriti shqetësimin tek ne dhe ajo që ne monitoruam nga afër është situata në Kosovë dhe Metohi dhe qëndrimi i Prishtinës, duke bllokuar praktikisht mundësinë që serbët të shprehin vullnetin e tyre”, deklaroi ai.
Ai ka përmendur edhe zgjedhjet e përgjithshme në Serbi, duke thënë se autoritetet serbe do t’ia bëjnë çaren.