Në moshën 75 vjeçare, ka ndërruar jetë sot ish-kryetari i parë i Komunës së Podujevës, Sylejman Gashi.
Këtë e bënë të ditur familjarët e tashmë të ndjerit, të cilët shkruajnë se varrimi i Gashit do të bëhet të mërkurën në varrezat e fshatit Dobërdol, përcjell Klankosova.tv.
- Advertisement -
”Ju njoftojmë se sot, ndërroi jetë babai ynë, Sylejman Qerim Gashi, duke na lënë të pikëlluar përjetësisht! Varrimi bëhet nesër, me datën 1 dhjetor 2021 në orën 13:00, në varrezat e fshatit Dobërdol”, thuhet në njoftimin e tyre mortar.
Gashi ishte emëruar kryetar i Podujevës pas Iuftës, deri në zgjedhjet e para komunale.