Serbët e Australisë kanë shkuar pranë hotelit ku po mbahet i ngujuar Novak Gjokoviqi për ta mbështetur bashkatdhetarin e vet të cilit iu ndalua hyrja në shtetin e Oqeanisë, por s’janë duruar pa e futur Kosovën edhe në këtë rrëmujë.
Tenisti serb është duke u mbajtur në Park Hotel, një ndërtesë që përdoret nga Qeveria e Australisë për ndalimin e emigrantëve në vend, pasi atij iu refuzua hyrja në Australi të mërkurën.
Gjokoviqi nuk u lejua të futet në Australi për të marrë pjesë në turneun grand slam, Australian Open 2022, pasi autoritetet e këtij vendi thanë se ai nuk i kishte plotësuar kërkesat për Covid-19.
34-vjeçari do të qëndrojë në Park Hotel deri të hënën, kur gjykata e Melbourne do ta marrë vendimin ndaj ankesës së tij kundër dënimit nga Australia.
Të inatosur dhe tërbuar që bashkatdhetari i tyre nuk po lejohet të marrë pjesë në grand slamin e parë të vitit, serbët kanë kënduar këngë nacionaliste për Kosovën duke e mbështetur atë pranë hotelit ku po mbahet i ngujuar.
The Serbian Australians at Park Hotel are now lighting candles and singing. It’s their Christmas Eve.
“This is for the refugees” they said. pic.twitter.com/ZK8opNRakh— Cait Kelly (@cait__kelly) January 6, 2022