Një video tjetër po qarkullon në rrjetet sociale, ku shihet një shqiptarë i cili frikësohet nga shpejtësia e një veture Mercedes-Benz AMG. Ai i bën thirrje shokut të tij ‘Lemit’ që ta ndalojë veturën, shkruan Gazeta Metro.
Nuk është hera e parë kur në Facebook publikohen video, ku kosovarët shfaqin frikën e tyre nga shpejtësia e madhe e veturave.
Më herët hit në internet ka qenë një video ku një person i kërkonte shoferit ta ndalte shpejtësinë e veturës. ”O Izet nale”, ishin fjalët që për shumë kohë kanë qenë virale në rrjetet sociale.
Së fundi një video tjetër është bërë hit, veçse tash shoferi e ka emrin Muharrem, derisa shoku i tij e thërret ”Lem”
”Nale o Lem”, dëgjohet në video një person duke i thënë shoferit që po voziste me shpejtësi të madhe.
Video është publikuar në ”Marakli t’kerreve” dhe duket se është xhiruar në rrethin e Prizrenit.
Më poshtë keni pamjet që janë shpërndarë shumë në internet.