Edhe kryetari i AKR-së, Bexhet Pacolli është deklatuar lidhur me me vendimin e radhës të Gjykatës Kushtetuese për dekretin e Presidentit.
Pacolli i ka dërguar një porosit krerëve të shtetit, Presidentit Hashim Thaçit dhe kryeministrit në detyrë, Albin Kurti.
I pari i AKR-së ka thënë se nuk duhet të ndikojnë në vendimet e Gjykatës Kushtetuese, sikurse kishte vepruar Bexheti atëkohë kur ishte president i Kosovës.
“Shoh shumë deklarata dhe spekulime politike nga të gjitha anët, në lidhje me vendimin e radhës të Gjykatës Kushtetuese.
Kjo duhet të ndalet.
Kjo vlen për të gjitha palët që tentojnë të ndikojnë, veçanërisht për Presidentin dhe Kryeministrin në detyrë. Gjykata Kushtetuese është një organ i lartë dhe i pavarur dhe nuk guxon të kërcënohet apo të ndikohet nga askush.
Është tepër e rëndësishme që të respektohet pa marrë parasysh cili do të jetë vendimi.
Unë, si President i vendit, e pata bëra këtë pa zhurmë fare. Ky shembull duhet të ndiqet edhe nga të tjerët”, tha ai.