Sot u njoftua që grupi “MeKryeministrin” me mbi 350 mijë profile – shumë prej të cilave të rreme – është mbyllur.
Grupi i Vetëvendosjes, ku krahas militantëve postonin edhe deputetë por edhe profile të rreme si Via Smith, kishte sulmuar vazhdimisht oponentët politikë të kryeministrit Albin Kurti por edhe media të pavarura.
- Advertisement -
Ky grup më nuk ekziston, dhe nuk dihen arsyet e mbylljes së tij.
Sidoqoftë, del se një prej administratorëve të grupit me emrin Fitim Pacolli, e që është vëllai i deputetes me emrin Fitore, ka hapur një tjetër grup me po të njëjtin emër më 29 nëntor në ora 12:34.
Sidoqoftë, ky grup ende nuk ka marrë popullaritetin e grupit të mëparshëm pasi ka një rreth shumë më të ngushtë prej vetëm 5-6 personash.
- Advertisement -