Portierja e ekipit të grave të Iranit në futboll, Zohreh Koudaei, është zotuar se do ta padisë Federatën e Futbollit të Jordanisë, e cila e akuzoi atë se është burrë.
Koudaei i mbrojti dy penallti në fitoren me penallti 4:2 të Iranit ndaj Jordanisë më 25 shtator në Uzbekistan, me çka edhe i ndihmoi Iranit të kualifikohej për herë të parë në Kupën e Azisë për Gra.
- Advertisement -
Por pas ndeshjes, Federata e Futbollit e Jordanisë kërkoi që Koudaeit t’i bëhet testi për verifikimin e gjinisë.
Tani, 32-vjeçarja ka reaguar me dhembshuri: “Unë jam grua. Jordania po më bulizon”.
- Advertisement -
“Unë do ta padis Federatën e Jordanisë”, shtoi ajo.
Në letrën ankuese të 5 nëntorit, Federata e Jordanisë shkroi se ekipi i grave i Iranit “ka histori me probleme gjinore dhe doping”.
- Advertisement -
Menaxheri i Kombëtares së Iranit i mohoi akuzat, duke thënë se ekipi i Jordanisë, i cili ishte favorit i madh, po kërkonte arsyetime për disfatën e papritur.
