11.4 C
London
E diel, 24 Tetor, 2021

Pritën ia vënë tek ura pastaj e vranë brutalisht, kështu ra në detyrë polici nga Gjakova

- Advertisement -spot_imgspot_img
- Advertisement -spot_imgspot_img

Para 16 vitesh hetuesit nga Gjakova, Hajdar Ahmetit ia kishin zënë pritën gjatë kthimit nga puna, dhe nga një breshër plumbash nga një grup kriminal ende i pa zbuluar kishte mbetur i vdekur.

Atij ia kishin vendosur një pengesë në urë. Ai doli që ta hiqte atë dhe ato ishin edhe momentet e fundit të jetës së tij. Ai u qëllua brutalisht derisa në trup derisa ende e kishte veshur uniformën e policit. Në vendin e krimit sot rri kjo pllakë përkujtimore.

Ahmeti kishte përfunduar Akademinë Policore në Tiranë dhe kishte studiuar edhe për drejtësi në Prishtinë po hetonte krime serioze në regjionin e Gjakovës. Familjarët tregojnë që ai veç e dinte që po i rrezikohej jeta nga grupet kriminale.

“Ka thënë me korruptu s’kanë me mujt me tutë s’kanë me mujt për mem vra bon vaki më vrasin”, këto kishin qenë fjalët e fundit të policit të vrarë.

Mirëpo, familja e tij ende nuk e di se kush e vrau atë. Asnjë informacion nuk e ka marrë nga organet e rendit. Madje thonë që nuk kanë asnjë copë letre për të. As numër të rastit. As nuk e dinë se a e heton më dikush këtë vrasje, apo e kanë mbyllur pa i treguar familjes.

Ka kaluar mbi një dekadë e gjysmë dhe askush nuk ka përfunduar para drejtësisë për këtë krim.

Vëllai i Hajdarit, Sinani pos dhimbjes për humbjen e vëllait, e krenarisë për punën që ai kishte bërë si polic dhe ish-ushtarë i Ushtrisë Çlirimtare të Kosovës, ndanë me ne edhe dëshpërimin e thellë me dështimin e shtetit për ta zbardhur rastin e vëllait të tij. Ai rrëfen edhe se si e mori vesh që i është vrarë vëllai.

InDoks në këtë dokumentar do të sjell historitë e të gjithë këtyre heronjve. Flasin kolegë e familjarë. Edhe ata që po i mbrojnë policët që po përndiqen pse po e luftojnë krimin. Rikthen në kujtesën e publikut edhe rastet më të rënda kur dora e krimit ra mbi shtetin, e shteti dështoi ta zbulonte se kush e goditi.

- Advertisement -spot_imgspot_img
Latest news
- Advertisement -spot_img
Related news
- Advertisement -spot_img