Deputeti i PDK-së dhe njëri nga komandantët e betejës së Koshares, Hisen Berisha, ka bërë një reagim në lidhje me dokumentarin që do të realizojë Serbia për tragjedinë e Reçakut.
Ai ka thënë se kjo gjë po merr përmasa të rrezikshme për paqen dhe pajtimin në rajon.
Postimi i plotë:
STOP REVIZIONIT TË HISTORISË
Angazhimi shtetëror nga ana e Republikës së Serbisë për realizimin e një dokumentari mbi tragjedinë e Reçakut, ku ata pohojnë që masakra e Reçakut qenka falsifikim i historisë, tregon që revizionizmi i historisë nga ana e shtetit serb, krahas mohimit të gjenocidit në Srebrenicë, po merr përmasa të rrezikshme për paqen dhe pajtimin në rajon. Si ish epror i UÇK-së, dhe tani deputet i Kuvendit të Kosovës nga radhët e PDK-së, në vigjilje të samitit të radhës të “Open Balkan” në Tiranë, e ftoj shtetin shqiptar që të dënojë këto sjellje të rrezikshme revizioniste. Revizionizmi i historisë e pengon pajtimin, e pengon dialogun, e pengon bashkëpunimin rajonal si dhe i hap rrugë një konflikti të ri.
