Federata e Futbollit të Kosovës ka njoftuar opinionin se sot do të fillojë shitja e biletave për miqësoren mes Kosovës dhe Jordanisë.
“8 nëntor, 2021 – Federata e Futbollit e Kosovës njofton opinionin se sot në orën 15:00 në pikat e Artmotion, fillon shitja e biletave për ndeshjen miqësore, Kosovë – Jordani, e cila zhvillohet, të mërkurën, më 10 nëntor në stadiumin “Fadil Vokrri”, në orën 18:00.
“Çmimet e biletave janë sikurse në ndeshjet e kaluara: Perëndim 20 euro, Lindje 10 euro, Veri dhe Jug 5 euro”, është thënë ndër të tjera në njoftimin e tyre.
Këtu keni statusin e plotë:
“Edhe në këtë ndeshje në bazë të masave anti-covid të qeverisë së Kosovës do të lejohet shfrytëzimi 30 përqind i kapacitetit të stadiumit.
Një person mund të blejë deri në 2 bileta me letërnjoftim. Çmimet e biletave janë sikurse në ndeshjet e kaluara: Perëndim 20 euro, Lindje 10 euro, Veri dhe Jug 5 euro.
Biletat mund t’i blini në dy pikat e Artmotion në Prishtinë – në Pejton (rruga Perandori Justinian) dhe në Grand Hotel (Sheshi Zahir Pajaziti)”, thuhet në njoftimin e tyre në Facebook”.