Presidenti italian, Sergio Mattarella bëri një apel për paqe në Ukrainë të martën teksa foli në Pallatin Quirinal në Ditën Ndërkombëtare të Gruas.
Sipas Ansa, presidenti u shpreh se nuk mund të imagjinohet që në 2022 dikush të sillet sipas kritereve të të shekujve të kaluar.
- Advertisement -
“Është e patolerueshme dhe as nuk duhet të imagjinohet që në këtë mijëvjeçar të ri dikush të dojë të sillet sipas kritereve të pushtetit të shekujve të kaluar”, tha kreu i shtetit.
Ai tha se liria e popullit ukrainas nuk ishte e vetmja gjë në rrezik, pasi po ashtu ishte “paqja, demokracia, ligji dhe qytetërimi i Evropës dhe i mbarë njerëzimit”.
“Kundërshtimi i kësaj lëvizjeje drejt konfrontimit dhe konfliktit ka një çmim, mund të shkaktojë kosto për ekonomitë e vendeve që e kundërshtojnë atë. Por këto do të ishin shumë më të ulëta se ato që do të paguheshin nëse kjo lëvizje nuk ndalet tani”.-tha ai.