Ushtaraku shqiptaro-amerikan Muharrem Maralusha, i ka reaguar liderit të Aleancës për Ardhmërinë e Kosovës Ramush Haradinajt, i cili ka thënë se ushtrisë duhet t’i ndahet buxheti prej 10 miliardë eurosh.
Maralusha ka thënë se nëse buxheti i shtetit nuk ka mundësi ta ndajë këtë shumë, Haradinaj duhet t’ia kthejë shtetit “milionat e vjedhura”.
Sipas ushtarakut, ministri i Mbrojtjes Armend Mehaj është përgjigjur korrekt ndaj deklaratës së Haradinajt, duke thënë se buxheti për ushtrinë në vitin 2022 është i përcaktuar sipas standardit të përcaktuar nga NATO e që kap vlerën 1.3 të Bruto Produktit Vendor apo mbi 100 milionë euro.
Reagimi i Maralushës në Facebook:
Ramushi na e mori fytyrën me deklaratat e tij budallallëqe nëpër mediat e Kosovës. Unë çuditem pse mediat e Kosovës i japin hapërisë në kanalet e tyre.
Përgjigjja e ministrit të Mbrojtjes, z.Mehaj është korrekte dhe sipas standardeve të SHBA-së, kur është pyetja se sa buxhet duhet Kosova me i nda për FSK-në. Dhe kjo varet nga buxheti i shtetit.
Në qoftë se Ramushi beson se 10 miliardë euro duhet të alokohen për FSK-në dhe buxheti i shtetit nuk ka mundësi me e nda këtë shumë, atëherë Ramushi do të bënte një punë patriotike që milionat e vjedhura t’ia kthejë buxhetit të Kosovës.