Videoja e këtij kali po mahnitë të gjithë në internet

Një kalë me emrin Jingang është bërë hit në rrjete sociale, për shkak të ambicieve të tij të larta që ka, ndryshe nga kafshët e tjera.

Atij duket se nuk i pëlqen që njerëzit ta ngasin atë, siç është normale për një kalë. Ai për një moment e injoron punën e tij të zakonshme dhe shtiret kinse ka ngordhur, në mënyrën më interesante të mundshme.

Më shumë se 80 mijë njerëz e kanë pëlqyer videon e Frasisco Zalasar, që shfaq kalin duke e injoruar punën e tij të zakonshme, duke “ngordhur në mënyrë dramatike”.

Videoja virale është shpërndarë më shumë se 600 mijë herë. Ky numër i madh i shpërndarjeve tregon se njerëzit e kuptojnë mjaft mirë kalin në fjalë, kur është puna për t’i kryer detyrat e përditshme – sidomos të hënën.