“Re të stuhishme mbi qiellinë e Serbisë” e një mori shprehjesh mesjetare e të zymta të frazuara me melodramatizëm u dëgjuan në fjalorin e Presidentit të Serbisë, Aleksandër Vuçiç gjatë një konference të përbashkët për media me kryepatriarkun e Kishës Ortodokse Serbe, Porfirije.
Me një gjuhë të tillë mistike , Vuçiç në praninë e Porfirije si mbështetje morale, argumentuan “pozitën e vështirë” të Serbisë, veçanërisht pas përdorimit të argumentit të Kosovës nga Presidenti i Federatës Ruse, Vladimir Putin.
“Që nga dita kur presidenti i Rusisë tha se inkurzionin [lexo: pushtimin] në Ukrainë në terme formale, legale e politike, të gjitha fuqitë perëndimore po punojnë që të zgjidhin çështjen e Kosovës në mënyrë të përshpejtuar, që t’ia heqin këtë argument nga duart. Sigurisht, rusët kanë gjetur gabimit e tyre nga e kaluara dhe e përdorin për nevoja të veta, sjellje e logjikshme, por për ne është barrë dhe vuajtje shtesë”, ka thënë Aleksandër Vuçiç.
Ai vazhdoi t’i jep kreshendo vajtimit të pozicionit të vështirë të Serbisë në raport me mosrreshtimin krah perëndimit për të sanksionuar Rusinë. Përsëri duke i quajtur sanksione si “histeri”.
“Kurrë s’e kam ëndërruar që do të përjetojë këtë në jetën time. Kurrë s’kam parë trysni të këtillë. Po përballemi me histeri ku askujt s’ia ndien e lëre më të dëgjojnl. Histeri e paparë ku diplomacia nuk ekziston më”, tha mes tjerash ai në konferencë për media.
Patriarku serb ia bëri aminin me mirëkuptimin kishtar “ditëve të vështira të serbëve”.