Dy persona, të dyja këto femra, njëra e vitit 2000, tjetra 1997, janë pranuar në Infektivë me dyshimet për koronavirus.
Analizat për të njëjtat janë marrë dhe pritet të dalin sot gjatë ditës.
- Advertisement -
Të dy këto femra janë izoluar në dhomat e veçanta në Klinikën Infektive.
Deri më tani në QKUK janë bërë analiza të disa personave dhe asnjë nuk është diagnostikuar me virusin e quajtur Covid-19.
Në Shqipëri, ndërkaq, të dielën mbrëma janë konfirmuar dy raste të prekura me koronavirus. Njëri prej të prekurve kishte ardhur nga Italia, ndërsa është infektuar edhe babai i tij.
- Advertisement -
Italia është shteti evropian që ka më së shumti banorë të infektuar me koronavirus. Deri të dielën janë regjistruar 7 mijë dhe kanë vdekur 366 persona.