Ministria e Shëndetësisë ka konfirmuar raportimet e Gazetës Express se 80 deri 90 përqind e rasteve të fundit me COVID-19, janë të variantit Delta.
Lajmin e ka bërë të ditur Drejtori i Departamentit të Mikrobiologjisë në IKSHPK, Xhevat Jakupi, në një konferencë për media bashkë me Ministrin e Shëndetësisë, Arben Vitinë.
- Advertisement -
“Të dhënat e fundit nga Departamenti i Mikrobiologjisë na tregojnë që 80 deri në 90 për qind e rezultateve të fundit të rasteve me Covid-19 janë të variantit Delta”, ka thënë Jakupi.
Jakupi ka thënë se ky variant përhapet shumë më shpejt, derisa ka apeluar te qytetarët që të vaksinohen sa më shpejt që të mos rritet numri i hospitalizimeve.