Në internet ekziston një ueb-faqe, ku mund të shihni në gjendje reale përhapjen e koronavirusit, si dhe mund të shikohen statistikat e shërimit të njerëzve, atyre që janë prekur dhe vdekjet që ka shkaktuar ky virus.
Koronavirus apo COVID-19, filloi në Wuhan të Kinës dhe përhapja e tij po vazhdon në të gjithë globin, përfshirë këtu Shtetet e Bashkuara të Amerikës, ku Florida, New York dhe Rhode Island kanë raportuar për rastet e para gjatë fundjavës.
Në total janë mbi 90 mijë raste të konfirmuara me koronavirus në të gjithë globin, ku mbi 3 mijë persona deri më tani kanë vdekur.
Ndërkaq nga të gjitha këto raste, mbi 48 mijë persona janë shëruar plotësisht nga ky virus.
Kina është shteti me më së shumti raste të paraqitura me koronavirus, ku deri më tani janë shënuar afër 80 mijë raste.
Korea e Jugut radhitet e dyta në botë për nga rastet e shënuara me koronavirus, ku deri në këtë moment janë shënuar 4812 raste.
Në Europë Italia e ka primatin me rastet e shënuara, derisa në botë është e treta me mbi 2 mijë raste.
Për të gjithë personat që kanë për të udhëtuar në ndonjë nga shtetet e botës apo Europës, mund ta shohin KËTU NË LINK gjendjen reale të koronavirusit në cilindo shtet.