Kryetar i komunës së Dardanës (Kamenicës), Qëndron Kastrati, ia ka dhënë makinën e tij zyrtare Policisë së Kosovës për shfrytëzim.
Këtë ai e ka bërë të ditur përmes një postimi në Facebook, ku edhe ka përdorur humorin për të thënë se kur ta shohin njerëzit makinën e tij, mos të mendojnë se ka ndërruar profesion.
- Advertisement -
“Nëse keni parë uniforma të Policisë së Kosovës në makinën e kryetarit të komunës, mos mendoni se kam ndërruar profesion. Është sepse ua kemi dhënë në shfrytëzim në këtë kohë të vështirë në përballje me pandeminë”, thotë ai.
Ai thotë se e ka mbështetur Policinë gjatë gjithë pandemisë dhe do të vazhdojë të bëjë këtë.
“Mbështetjen ndaj policisë e kemi bërë gjatë gjithë pandemisë, dhe tani që do të fillojë fushata zgjedhore unë nuk do ti përdor resurset shtetërore. E di se do ta ruajnë ashtu siç e ruajmë e trajtojmë ne”, përfundoi ai.
- Advertisement -
