13.7 C
Pristina
Thursday, March 28, 2024

Mitrovica mbushet me flamuj të Serbisë

Rekomandime

Mijëra flamuj të Serbisë kanë hyrë ilegalisht në territorin e Kosovës gjatë vikendit.

Besohet se ato kanë hyrë në Kosovë përmes rrugëve alternative afër kufirit të Jarinjes.

- Advertisement -

Me urdhër të qeverisë së Serbisë, ato kanë filluar sot të vendosen gjithandej rrugëve të katër komunave veriore të vendit, për nder të festës “Dita e unitetit serb, lirisë dhe flamurit kombëtar” që do të shënohet për herë të parë më 15 shtator në të gjitha vendet e banuara me serbë.

KosovaPress-i ka kontaktuar zëdhënësin e policisë së Kosovës për rajonin e veriut, Branisllav Radoviq, rreth hyrjes ilegale të mijëra flamujve serb në territorin e vendit dhe kësaj çështje në përgjithësi, por ai në përgjigjen e tij përmes telefonit ka qenë shumë i shkurtër.

“Unë nuk kam një informacion të tillë”, ka thënë Radoviq.

- Advertisement -

Në anën tjetër, kryetari i Serbisë, Aleksandar Vuçiq, pas një takimi të krerëve shtetërorë të Serbisë të mbajtur ditë më parë në Beograd, përmes një konference për media ka njoftuar publikun rreth kësaj feste për të cilën tha se tash e tutje do të kremtohet më 15 shtator në të gjitha trevat e banuara me serbë.

“Kemi marrë vendim për një festë të re shtetërore të cilin do ta zbatojmë në vepër. Kjo është dita e unitetit serb, lirisë dhe flamurit kombëtar, që do të festohet bashkërisht në Serbi, Republikën serbe dhe në të gjitha hapësirat serbe në tërë botën”, pati thënë mes tjerash Vuçiq.

- Advertisement -

-Advertisement-

Më shumë artikuj

- Advertisement -

Të fundit