Plani i frikshëm që e konfirmoi Borrell, Phillips tregon emrin e zyrtarit që dështoi të ndajë Kosovën

Date:

Përfaqësuesi i lartë i Bashkimit Evropian për Politikë të Jashtme Josep Borrell, ka pranuar se muaj më parë, në tryezën e dialogut ishte ideja për shkëmbimin e territoreve mes Kosovës dhe Serbisë.

Por, ai ka thënë se kjo nuk është më një opsion dhe se të dyja vendet duhet të gjejnë një zgjidhje, pasi BE-ja nuk do të diktojë më atë.

“Disa muaj më parë kishte një propozim për të shkëmbyer territore. Por, kjo nuk është më një mundësi”, ka deklaruar Borrell për mediat serbe, duke shtuar se ka vende të BE-së që kundërshtojnë shkëmbimin e territoreve.

Por, ide të keqe e ka quajtur këtë ide David L. Phillips, drejtor i Programit për Ndërtimin e Paqes dhe të Drejtat e Njeriut në Institutin për Studimin e të Drejtave të Njeriut në Universitetin Columbia në New York, njëherësh njohës i mirë i rrethanave politike në rajonin e Ballkanit Perëndimor.

Duke folur për gazetën “Bota sot”, Phillips ka deklaruar se ideja e shkëmbimit territorial është edhe më e keqe aktualisht në tollovinë e brendshme politike në Kosovë, pas dorëheqjes së presidentit Hashim Thaçi.

“Shkëmbimi territorial ishte një ide e keqe disa muaj më parë. Është një ide edhe më e keqe tani, veçanërisht në dritën e situatës së brendshme politike”, është shprehur eksperti amerikan.

Ai ka theksuar se ndarja e Kosovës do të jetë projekt i dështuar në histori, duke akuzuar ambasadorin amerikan për dialogun Kosovë-Serbi Richard Grenell dhe miqtë e tij.

“Ndarja do të përfundojë në koshin e plehrave të historisë, si një përpjekje tjetër e dështuar nga Rick Grenell dhe miqtë e tij”, ka theksuar për “Bota sot” David L. Phillips.

Shpërndaje postimin:

Rekomanduar

Më shumë si kjo
Të lidhura

AAK-ja e Ramush Haradinajt paralajmëron protesta kundër shtrenjtimit të çmimit të rrymës

Pas PSD-së, edhe partia opozitare AAK, ka paralajmëruar protesta...

Profesori amerikan: Furnizimi i Serbisë me armë nga Rusia ka më shumë implikime politike sesa kërcënim ushtarak

Furnizimi i Serbisë me armë nga Rusia po konsiderohet...

Befason ministrja Albulena Haxhiu del në një serial televiziv

Ministrja e Drejtësisë, Albulena Haxhiu është shfaqur së fundmi...

Sinjale negative nga Franca për vizat: Kosova s’i ka plotësuar 95 kriteret e BE-së në mënyrë efektive

Franca, që po e udhëheq presidencën e BE-së, është...