Politikania serbe Rada Trajkovic, ka reaguar pasi nga Shtetet e Bashkuara të Amerikës (SHBA), kanë ardhur sanksione për disa nga krerët e krimit të organizuar në veri të Kosovës.
Trajkovic ka thënë se Marko Djuric duhet të tërhiqet nga Washingtoni, pas sanksioneve të fundit nga SHBA’të.
“Pas njoftimit të sotëm të Departamentit të Drejtësisë së Thesarit dhe në pritje të Samitit për Demokraci, qëndrimi i ambasadorit të Serbisë në SHBA, Marko Djuric, është i papranueshëm. Serbia meriton më mirë, një përfaqësim të pacenueshëm etik në Washington D.C”, ka shkruar ajo.
In light of today’s announcement by 🇺🇸 @USTreasury and in the run up to #SummitForDemocracy, the position of the Serbian ambassador to the US @markodjuric has become untenable.
Serbia 🇷🇸 deserves better, ethically irreproachable representation in Washington DC. https://t.co/AKOT87lBB3 pic.twitter.com/oqilll9w7p
— Rada Trajkovic (@trajkovic_rada) December 8, 2021
Trajkovic kishte akuzuar Djuricin indirekt, ndërsa Radojcicin direkt për vrasjen e Oliver Ivanovicit, vrasje kjo që është ende e pa zbuluar.
Zyra e Departamentit Amerikan të Thesarit për Kontrollin e Pasurive të Huaja i ka goditur rrjetet e korrupsionit në disa shtete të Evropës dhe Hemisferës Veriore, në mesin e tyre edhe Zvonko Veselinovicin dhe grupin e tij të krimit të organizuar si përgjegjës për trafikimin e mallrave, parave, narkotikëve dhe armëve mes Kosovës dhe Serbisë.
Në komunikatën e kësaj zyre, ndër të tjera thuhet se Zvonko Veselinovic dhe vëllai i tij Zharko Jovan Veselinovic kanë pasur marrëveshje me politikanë për t’i ndihmuar partitë e tyre për t’i fituar zgjedhjet dhe në këmbim politikanët do t’i garantonin vëllezërve Veselinovic kontrollë të disa bizneseve në disa rajone.