Separatistët e Donetsk kanë publikuar një video që tregon sulmet në fabrikën e çelikut Azovstal.
Videoja e realizuar nga ajri, tregon suImet në fabrikën e hekurit dhe çelikut në të cilën janë të strehuar qindra civilë ukrainas dhe ushtarë të plagosur.
Videoja pa datë, është publikuar më 4 maj nga separatistët e Donetsk dhe tregon sulme masive tokësore dhe ajrore.
Në një moment në video, një ose më shumë municione hidhen nëpër shtresa të shumta të një ndërtese dhe shihet tym i madh që del nga zona.
Agjencia ukrainase e lajmeve Pravda raportoi se forcat ruse dhe ato nga Donetsku kishin sulmuar fabrikën më 4 maj dhe se ka humbur kontakti me Iuftëtarët ukrainas që ndodheshin brenda.
Sipas forcave ukrainase dhe ruse, luftimet rreth Azovstal rifilluan më 3 maj.
Kapiteni Sviatoslav Palamar, zëvendës komandant i Batalionit Azov, tha në një video më 3 maj se sulmi kishte rifilluar dhe përfshinte një numër të madh këmbësorie, automjete të blinduara dhe artileri. Palamar tha se “dy gra ishin vr*arë nga bombardimet një natë më parë dhe u lut që civilët dhe ushtarët e plagosur të evakuoheshin urgjentisht,” ky ishte apeli i fundit nga komandantët ukrainas brenda fabrikës.
Sipas zyrtarëve ukrainas, më shumë se 200 civilë, përfshirë fëmijë, kanë mbetur të bllokuar brenda Azovstal, së bashku me 500 ushtarakë të plagosur.
Njëqind civilë që u evakuuan nga bunkerët nëntokësorë të fabrikës gjatë fundjavës mbërritën në Zaporizhzhia më 3 maj.